ወይ ኽምረ ላይ ብላ ክልሊዝ ችጝሽረይ ዞን ጚ፡፡ ወይ ኽምረ ኮር ፈን ሽምንስ ፅሊየል ፣ደቡብ ሽምንስ ወሎ ቺተዝ ለሊቨለ ስመ ኮር ጥወንዝ ቈሽ ጎንደር ጊፅ /ደይ ጛይ፡፡ ዞኒዙ ቀርቭሪዙ ፍራትድ 788,486ኪ.ሜ2 ፣1999 ዓ.ስ ህዝቪዙ ንቕጸድ 418,817 አቓንድ፣ግልወ 211,403፣ እውነ 207.414 ዊኑ ፡፡እምንትድ ሚርየውዝ ኽይጠድቅ ኦርቶዶክስ ተዋህዶ 99.6%፣ 0.27% እስለም ዝመ 0.13% ላጥ ቺተቺተቍ እምንተን ቲክነቍ ጛይ፡፡ ፍራትዝ ዊግሸውድ ኽምጣጘ ቋጝቈ የጝ፡፡ኽምጣጘ ኵሸቲክ ቋጝቈዙ ጝነው የጝ፡፡ ዞኒዙ አየርዙ ንቭርትድ 5.45% ዲቀ ፣31.43% ቈለ ዲቀ ዝመ 63.42% ቈለ የጝ፡፡ ወይ ኽምረ ንቕፀው ዋርደ፣ ታሪክ፣ ባህል ዝመ ፍጥሩ ፃጀዝ ኻፍታም እኒዝጘም ኽዝቭድ ቀሰው፤ ኪብረው ዝመ አብን ለምረው የጝ ፡፡

ወይ ኽምረ ዞን ዛጒየቱ ስርወ ምጝግስትድ ሚስርትረይ ጚ፡፡ ዞኒዙ እርወነ ኻትመድ ሰቍጠ ጚ፡፡ ሰቍጠ ብኻር ዳርስ 510 ኪ.ሜ ፤ 128 ኪ.ሜ ለሊቨለስ እኒዝጘም 720 ኪ.ሜ አዲሰ አቨቨስ እክልድር ችጝሸች፡፡ ሽምን ኢትዮጵየስ አልትረይ ኻትመ ጚ፡፡ እክሰቊ/ንቕፀቊ ዊትረቊ ስፍል ፃይረይ አራንድ ጛይም ታሪክ ጋ፣ ነፀ አርየ(ሲልዝ) እኒዝጘም ዞኒዝቊ መራቐቊ/ካኽሸቊ ብጣ/ስፍል ዝመ ሰቊጠ ዳቕሽየቊ ፍጥርዝቊ ፃጅጥ እኵጙ ዊገ ኽሽ አርቒሰነው ዝመ አርየዪጅቅ ፃየፃይሰነውዙ/ፃምርዘነውዙ ገቨ ይውሽትየውም፡፡

ነን ዞኒዙ ባህሊ ዝመ ቱሪዝምዝ ጝ ግርቭድ /አቅምድ አርውሽጠ ጥውሸኵ ቺተዝ ቓልሽተቊ/ጕቭኝት ፃቭሽተቊ ስፍልድ ቓለቊ/ጕቭኝት ፃቨቊይዝ ቀሰው ደረጀዝ ሰራሽጠ ጥውሸኵ፡፡