ውቅር መስቀለ ክርስቶሰ ፊልፍለሸው ምከን ሳቊጠስ 5 ኪ.ሜ ደቡብ ምስራቅ ሚሪዝ እክልድ ችጝሸው ዝመ ቺተው ምከን የጝ፡፡ አጤ ካሌቭ ትኰር (495-525) ላው ቕርጘ ፊልፍልሽ ተሲተው ምከን የጝ፡፡ ምከንድ ላጝጠ አድልጥ ፃይኵ፣ ሲዘ መድራቕጥ፣ አኰ ዲቭይጥ ፣ ፅጭ ሲዘ ምሽዅተን ዝመ ጋዙ መድራቕም ሽምን/ስሜን ሚሪዝ አቝሹምትጐ ስመ ደቩቭ ሚሪዝ ለሊቨለትጐ ፊሰኵ፡፡ ቺተቺተቊ ቅርፃቅርፀን ፅብጛንስ ሚሪሸቊ/ጕቭኝት ፃቨቊ ለሊቨለቱ አይር ይጘኵ፡፡ ምላሰንድም ጛ እድሜዝ ቃውሰ ቲክነዝ እቝርሽጛንድ ለሊቨለስ ኽየው አቓንስ፡፡ እኒንም ለሊቨለትጘ ፃፀ ቕርጘ ፊልፍለሸው ምከን ተስሪዙ ጐነ ስልሽኒጅቅ ተከተከው አቓንስ፡፡ 1951 ዓምረ ስቝርቲዝ ዋግሹም ጌታነህ ምከንዴት አይርዙ/ አድሱ፡፡
